一歲身高體重

連email 都沒時間check, 最閒只有黃子騫晚上9:30入睡之後, 所以天天都很懶去寫blog. 但偶爾都會有些人告訴我, 他們"忙是忙, 還是會看看你跟王子的情況"之類的事, 既然這樣, 我又去update 一下.

一歲身高體重:
頭圍 - 18寸
身長 - 29又8分3寸
體重 - 21磅6安士

鞋size著5號 (美國) / 衣服尺碼著18個月

p.s. 他衣服多到由現在到三歲都不用買, 反而可以賣出去, 鞋子媽媽買了8對, 姨媽買了2對, 朋友送了4對, 嫲嫲之前買了1對, 昨天還要買多1對! 你認為怎樣?

督手指

陰公!
同一天居然還要去健康中心針手指驗他夠不夠鐡, 結果顯示11.2, 屬於夠.
這次好像完全不痛, 沒有哭

打針恐怖記錄

其實, 一開始只有1個姑娘幫忙替他打針, 媽媽又要拍video, 所以叫多個姑娘入來捉住他.

打針恐怖記錄

看前請有心理準備, 手一支, 大腿三支, 共四支針.
當打完手那支之後的慘哭聲, 我也是第一次聽.
為甚麼不打支四合一針?? 我只可答你: 因為他在夏威夷

手拖手

媽媽享受著拖住個仔行街街, 單手拖著佢就可以行得好好.
自己唔能夠正面影到這個溫馨場面, 咪影個影囉.

捉住你隻手, 捉得好緊唔肯放, 但一放手, 就會怕怕而跪低不肯繼續走. 即係話當捉緊我隻手時, 深信我會幫佢, 所以對我充滿信心, 而將安危完全交給我.

企

真係企得穩架! 不過仲係唔夠信心, 如果你用d野引開佢注意然後放開手, 根本就夠力企, 但當佢發現原來無人扶住, 就即坐低, 然後發老脾.

失禮哂間屋咁混亂! 這個年齡的bb是最愛混亂, 總是喜歡倒到一屋都係野. 洗完衫上來, 佢最鐘意將成藍衫反轉反轉再反轉!

(點解又係隻窗變左粉紅色?)

心肝命腚, 終於一歲, yeah!!!

好開心好開心好開心... 一歲大個仔!!!

一歲既佢已經識左好多野, 識企, 識扶住野行, 表逹能力同理解能力都強左好多.
聽得明好多野, 我講:眼睛/鼻哥/咀巴/腳趾/燈/風扇/花花/奶奶/鐘.. 全部識指住.
聽到你叫以下就自己做:點蟲蟲, 蟲蟲飛. give me five, 疏頭, hi(揮手), byebye, 敲門, 飛吻, 拍手掌, 拍腳掌, wave, arms up, yes... 等
聽到音樂就會自己拍手...

:)小可愛.我愛你

估下...

見唔見到快將一歲既騫騫有幾多隻牙呢?
估下啦

攝影一問

有沒有人知道, 為何這張相窗簾部份會變了粉紅色??? (沒有加過任何特別效果)
它原本是白色的, 外面有太陽曬著, 我沒有用閃光燈影, 背光嗎?

搖搖椅

十年前佢姑婆買落既搖搖椅, 想唔到來到今天, 原來係咁有用...搖下搖下就訓著.
但係, d鐵釘都生哂銹喇!

騫騫唔單止愛被搖, 佢都好鍾意搖人, 我坐係上面, 同佢講: 搖媽媽丫騫騫, 搖搖搖. 佢就會爬過來, 然後爬起身, 一下一下咁搖我, 真幸福! 佢係真係明白"搖"係咩意思架, 因為我成日都叫佢搖我. 另外 有一次去表妹屋企, 佢有張電動鞦韆, 我叫騫騫, 搖妹妹丫, 佢又真係走去搖搖下.

當年今日

當年今日, 已到預產期但bb仲唔出來, 好心急好心急想見見佢. 一年後既今日, 佢己經咁大舊!
feel 到佢終於重左, 由佢半歲到11個月大, 都係二十磅無再重過, 加上之前病, 更瘦左, 但據天天抱佢既媽媽既估計, 現時應該有22磅, 一歲大時去醫生度check up 就知媽媽雙手準唔準!