15個月CHECK UP

今日去見Dr. CHAN, 打針+15個月CHECK UP, 醫生都話佢好叻, 已經做到18個月bb應該做到既野

頭圍: 18又三分一寸
身高: 30寸半
體重: 25磅??? 應該無25... (2星期前去健康中心, 明明只有22磅13安士, 我相信今次姑娘磅錯)

疊高積木疊得好好, 測試時疊到7-8粒
懂得放細小的東西入細頸口的樽裏, 又倒返出來 (醫生示範一次, 然後佢跟住做, 倒左好多次)
講到好多字詞 (醫生問我佢有無講到六個字詞, 我話超過六個好多, 不過無數幾多)
用筆塗鴉
用湯匙餵自己 (上星期三開始做到, 即十五個月零一星期, 而家都食到成碗粥, 當然食到周地都係)
識得聽從吩咐, 收好玩具
扶住上樓梯(兩三級應該唔係問題)
拉拉鍊 (不過只拉到少少)
開始講到2個連埋的意思, 醫生話應該16-18個月開始 (佢講過: 姐姐, hi / 提子, 無)
自己除衫
跑 (不過未係好快)
踢波
倒後行

陳醫生話由於佢專注力好, 所以叻d.

提子

我講過會錄影佢見到提子既瘋狂, 唔比佢就好緊張. 今早一訓醒覺,又係度"提子.提子", 然後走去個零食櫃度想開門拎提子, 但由於整左個機關唔比佢開門, 好緊張係度叫提子提子提子......, 當佢想要一樣野時, 會不停地講幾十次, 直到你比佢為止.

我個相機的感光有問題, 而家影相d 色好核突, video 仲黑蚊蚊添...
婆婆你過來時, 唔該記得拎個sony 相機比我

小心最近有奇怪人留下comments

最近有幾個不認識的人留下comments, 一個奇怪的名字, 然後就說"please click here", 大家不用看. 如果我看到會馬上delete!

"Top of Waikiki"

爸爸保持神秘地不說要去哪裏吃飯, 原來是"Top of Waikiki" 旋轉餐廳, 360度地環觀WAIKIKI 夜景, 超級好吃的大蝦, 爸爸就想到, 如果婆婆來夏威夷, 也要帶她去一去.

謝謝好爸爸 + 好老公

HAPPY 2nd Anniversary!

結婚兩週年紀念, 爸爸找了Autie Brooke 照顧小騫, 讓爸爸媽媽可以吃餐安樂茶飯. Autie Brooke愛鍚小騫, 也是個非常愛小朋友的好呀姨, 所以我們十分放心, 小騫亦很會做人, 即使眼見著爸爸媽媽離他而去, 都很乖沒有哭鬧過.

牙牙學語日記

雖然佢d發音有少少唔準, 但都聽得明, 因為佢會指住果樣野來講, e.g. 有架車經過, 話"爹爹", 指d 草, 講"賭賭", 指雀雀, 話"啄啄"....

琴日仲搞笑呀, 同佢讀聖經故事書時, 封面係個摩西bb, 佢竟然...

指住個bb, 然後"oh", 跟住指住自己個人中, 話: 騫騫.... 佢以為個bb係佢!!!

笑到我同爸爸死.... 我咪同佢講, 呢個bb唔係騫騫喎... 係摩西bb來架.... 哈哈

拿到Passport了

兩年無見過自己呀媽呀爸, 不過都同騫騫攞定passport, 有咩事隨時行得. 好多人問我幾時返hk, 我只好答你地, 暫時未有plan. 結婚時同朋友講過, 大約兩年返來一次, 不過實行唔到添!

快十五個月的黃子騫牙牙學語

仲有五日就夠十五個月的黃子騫, 識有意思地講以下:

爸爸(經常叫), 媽媽(係講左好多野之後, 都未叫過我, 而家係岩岩終於肯講), 爺爺(一見到爺爺張相就指住叫), 嫲嫲, 姑姐(講唔到個姑字, 講姐姐), 亞當, 夏娃, hi(揮手), 魚(無論係真魚定係書上的圖畫有魚都會即講), 雀雀, 蛋蛋, 包包, 燈燈, 車, 吉吉, 提子, 菠蘿(但唔清楚), 鍚鍚(然後拎塊面埋來), 水水(想飲水時), 花, 草草, GERGER(重要部位), 腳, 鞋, 肚臍, 奶奶, 巴士(但唔清楚), 又識點頭say yes(問佢要唔要奶奶?/係唔係痾唔唔?, 係就會點頭) ,還有其他好多聽唔明既太空話


網上媽媽論壇上(bk)同月齡的bb, 都有不少仲未識講野, 騫騫算係識好多. 我睇七田真的書, 佢話三歲都不開口的細路仔越來越多, 我自己都識2-3個小朋友, 3歲都唔肯開口, 所以本來都擔心騫騫會係咁. 而家見佢開始識同你溝通, 好開心又覺得佢好得意!

專注力

姨媽話佢既專注力好好, 佢可以專注玩(研究)一樣野好耐. 例如最近佢鐘意學人扣安全帶, 我就錄左三分鐘. 今次連我係隔離拎著部相機, 係咁騷擾佢都唔理我.

陽光, 海灘與寶貝

"上帝愛我們和想我們活得快樂的明證" 就是我這個星期要做的課堂練習題目.

耶和華創造地球, 又把我們設計成能夠從他所造的得到樂趣, 他必然是愛我們, 也希望我們生活得快快樂樂...

看我如何吃香蕉

好好味!

佢食蕉最鐘意大啖大啖咁咬, 然後係個口慢慢0答. 記得最初比佢食蕉, 要刮蓉餵佢, 而家大個仔, 識自己食.

食蕉

全副精神係度開香蕉

媽媽手

我雙手變成咁.

有人問我有無睇醫生, 隻手咁多筋, 我話: 手筋都要睇醫生???

又有人話: 你呀媽見到你會心痛. 我話: 唔會, 佢不知幾開心, 因為佢成日話我肥, 叫我減肥.

高難度動作2

亦係新玩波方法, 隻手仲要穿過對腳, 去後面攞返個波, 手唔夠長退後行兩步, 問你服未?

高難度動作

最近佢好鐘意從這個角度看世界