Tuesday, February 26, 2008

罪證確鑿今次大鑊

講笑0者, 屋企樓下全部都係呢D紅色小花圍住. 有無人知道呢D係咩花? 我想教佢, 自己又唔知係咩花. 唯有話係: 紅色的小花

P.S. 夏威夷D大紅花, 又大又紅又多. 騫騫已經學識咩叫大紅花, 一見到街上有就即刻指比我睇.

我的姑姐

我鐘意同姑姐玩, 鐘意拖住姑姐四圍行, 鐘意指住姑姐同佢傾計. 姑姐吹波波又鐘意睇.
媽媽唔抱我時, 我亦唔比其他人抱, 但係姑姐抱都好過冇.
我個英文名ADRIAN就係佢幫我改.

Wednesday, February 20, 2008

食粟米

粟米太好味! 一條粟米就令佢十分滿足. 好鐘意食, 餵佢時, 捉住我隻手唔放. 大大啖"及"落來. 不過, 唔好食咁多.... 都未夠牙, 好難消化! 第二日, 原粒出返來. 都係唔敢比佢食, 亦唔敢係佢面前食, 費事又即撲過來搶.

Monday, February 18, 2008

Friday, February 15, 2008

腳

識行就叫做又大個仔d啦, 識行就唔係bb 咯!
不過更開心既係, 終於聽明佢講咩, 講出大人認為有意思的第一句話係: 腳!
上星期六已經好似聽到佢講腳架喇, (指住隻腳講) 留意佢幾日, 證實左佢係真係識.
無論拎左自己/你隻腳, 佢都非常清楚的發音: 腳!

然後第二句係上星期:爸爸 (跟住我講)
第三句係琴日: hi (早上起身望住我揮手, 然後:hi)
第四句係琴日: 亞當夏娃 (讀聖經故事給他聽時)
第五句係琴日: 燈(指住盞燈)

十三個月

會行先定會講話先？？

原來係一齊！十三個月。

佢識行都算遲，我開頭估會十個月識行果種，因為佢以前大隻好力。點知而家8-9個月之後變返普通SIZE，唔再係巨B。加上佢怕死，好聽D講句﹕小心翼翼。學行學左三個月先敢自己放手去。落樓梯望清望楚先倒後退一步；行路就死都要捉實你隻手，其實根本夠力行，只係無信心。如果用其他野引開佢注意，佢會不知不覺咁企左係度。好喇，到今個星期開始，佢比較放心去走，現在更係通屋走，但還未好穩鎮．

Tuesday, February 12, 2008

終於乖乖肯坐車

搭車唔抱得, 犯法架. 朋友個仔歲半, 竟然能夠從car seat 逃出來! 結果害他媽媽收告票, 要上court, 比罰款USD $97.

自從一歲後,可以轉向前看. (一歲前規定要BACKWARD FACING, =撘倒頭車, 為保護初生嬰兒無力的頸部) 而家騫騫乖好多喇.... 可以吹吹風, 看風景, 而家成朝撘車, 佢都唔嘈. 而且好合作, 自己扣上安全帶, 好囉, 謝天謝地.