夢

專家說胎兒在母腹中也會造夢, 我一直好想知道到底騫騫的夢是怎樣的, 從出生起, 模糊的世界; 到一歲, 對事物有若干認識; 來到現在古靈精怪的他, 小腦袋到底會給他造個怎樣的夢, 前陣子開始有答案了.

一個晚上, 突然哭醒找媽媽, 哭得頗為厲害, 含含糊糊聽到他說什麼什麼蝴蝶, 次日下午, 我問: 你琴晚訓覺有無發夢呀? (唔出聲)
你係咪發夢見到蝴蝶呀? (突然呆滯了, 咀角彎起來, 哭聲還沒發出, 眼睛已經含著一泡淚水, 什麼都沒有講, 然後大聲哭出來)
媽: 好啦好啦, 唔好講喇, 媽媽唔問喇, 原來你琴晚發惡夢呀, 唔洗驚, 發夢架咋唔係真架..... 然後這一天我不敢再問.

不過第二天, 我又真的好好奇, 趁他心情好玩得高興的時候, 再問他一次
你果日係咪發夢呀? (係呀)
你見到隻蝴蝶做咩呀? (有隻大蝴蝶捉左我去囉!)
係呀?! 捉左你去邊呀? (捉左我去第二度搵花花囉)
捉左你去第二度搵花花呀? (然後我搵媽媽囉!)
哦, 所以你好驚呀? (係呀)

原來如此! 一隻大蝴蝶捉走了他去另一個地方, 在那裏摘花花, 後來發現媽媽不見了, 慌張的找媽媽!

第三天我又問他晚上有沒有造夢 (有呀, 見到蝴蝶囉, 不過今次蝴蝶無捉我喎)
後來一次又告訴我, 夢見蜻蜓. 媽問: 蜻蜓做緊咩呀? (飛下飛下囉)

這個傢伙怎麼不是夢見蝴蝶就是蜻蜓? 難道下次輪到蒼蠅?

正在懷孕的母親們, 你想小寶寶在你腹中有個美夢嗎? 記得保持心境開朗, 傳達給他外面的世界十分美好, 將來一天他會和你分享他的美夢哦!