丫烏惡夢

前晚你發惡夢,  哭醒後去看看你, 你攬緊我不讓我走, 頭貼著我身體, 然後全晚要陪你睡, 攬著我緊的程度, 令我擔心你吸不到空氣, 想推開一點, 不過你很害怕繼續再抱緊點.  一直到清早起來, 你仍然好害怕, 不敢自己上廁所.  我問你夢的內容是什麼, 你說:

爸爸帶我去搵丫烏, 然之後爸爸去左果部機度酙水, 丫烏係個隆度 "嘟" 一聲走左出來, 個個都走哂去, 咁果度有個隆, 我呢埋入去, 搵張被摭住, 咁丫烏搵唔到我.  然之後姨媽來到, 佢話: 咦? 點解有隻丫烏係度既? 佢用個鎚仔一鎚打佢, 丫烏好痛, 走左去唔敢返來. 如果返來, 咁咪再打佢, 丫烏話: 唉吔, 你做咩打我呀!   姨媽話:  因為你唔乖, 所以我咪打你囉. 丫烏話: 我又唔係唔乖洗唔洗打我呀?  跟住丫烏好開心, 因為姨媽唔打佢囉.


奇怪為什麼當英雄的是姨媽呢?  為什麼丫烏能"嘟"一聲出來的?  自從約大半年前嫲嫲告訴你, 不聽話就有丫烏來捉你, 爺爺又不停告訴你, 鬼最喜歡捉哭的孩子, 無論我和爸爸怎樣解釋跟本沒有丫烏這回事, 你都無辦法不害怕.  本來可以自己睡覺的你, 有時候害怕到必定要睡在爸媽的床, 有時成功自己睡覺, 萬一半夜醒來, 就必定不能再自己入睡 (你說因為好驚丫烏)  雖然, 用丫烏來嚇你真的非常湊效, 你就會馬上變乖, 當你不聽話時媽媽罵十句都不及一句話 "丫烏會來捉你!"  難道沒有比這更好的方法來教孩子? 為了什麼要這樣傷害孩子的心靈?  

這個video 是他複述3-4次後才拍, 已經講到唔想講, 內容越講越好笑...  也許加鹽加醋內容失實了!