牙牙學語日記

雖然佢d發音有少少唔準, 但都聽得明, 因為佢會指住果樣野來講, e.g. 有架車經過, 話"爹爹", 指d 草, 講"賭賭", 指雀雀, 話"啄啄"....

琴日仲搞笑呀, 同佢讀聖經故事書時, 封面係個摩西bb, 佢竟然...

指住個bb, 然後"oh", 跟住指住自己個人中, 話: 騫騫.... 佢以為個bb係佢!!!

笑到我同爸爸死.... 我咪同佢講, 呢個bb唔係騫騫喎... 係摩西bb來架.... 哈哈

拿到Passport了

兩年無見過自己呀媽呀爸, 不過都同騫騫攞定passport, 有咩事隨時行得. 好多人問我幾時返hk, 我只好答你地, 暫時未有plan. 結婚時同朋友講過, 大約兩年返來一次, 不過實行唔到添!

快十五個月的黃子騫牙牙學語

仲有五日就夠十五個月的黃子騫, 識有意思地講以下:

爸爸(經常叫), 媽媽(係講左好多野之後, 都未叫過我, 而家係岩岩終於肯講), 爺爺(一見到爺爺張相就指住叫), 嫲嫲, 姑姐(講唔到個姑字, 講姐姐), 亞當, 夏娃, hi(揮手), 魚(無論係真魚定係書上的圖畫有魚都會即講), 雀雀, 蛋蛋, 包包, 燈燈, 車, 吉吉, 提子, 菠蘿(但唔清楚), 鍚鍚(然後拎塊面埋來), 水水(想飲水時), 花, 草草, GERGER(重要部位), 腳, 鞋, 肚臍, 奶奶, 巴士(但唔清楚), 又識點頭say yes(問佢要唔要奶奶?/係唔係痾唔唔?, 係就會點頭) ,還有其他好多聽唔明既太空話


網上媽媽論壇上(bk)同月齡的bb, 都有不少仲未識講野, 騫騫算係識好多. 我睇七田真的書, 佢話三歲都不開口的細路仔越來越多, 我自己都識2-3個小朋友, 3歲都唔肯開口, 所以本來都擔心騫騫會係咁. 而家見佢開始識同你溝通, 好開心又覺得佢好得意!

專注力

姨媽話佢既專注力好好, 佢可以專注玩(研究)一樣野好耐. 例如最近佢鐘意學人扣安全帶, 我就錄左三分鐘. 今次連我係隔離拎著部相機, 係咁騷擾佢都唔理我.

陽光, 海灘與寶貝

"上帝愛我們和想我們活得快樂的明證" 就是我這個星期要做的課堂練習題目.

耶和華創造地球, 又把我們設計成能夠從他所造的得到樂趣, 他必然是愛我們, 也希望我們生活得快快樂樂...

看我如何吃香蕉

好好味!

佢食蕉最鐘意大啖大啖咁咬, 然後係個口慢慢0答. 記得最初比佢食蕉, 要刮蓉餵佢, 而家大個仔, 識自己食.

食蕉

全副精神係度開香蕉

媽媽手

我雙手變成咁.

有人問我有無睇醫生, 隻手咁多筋, 我話: 手筋都要睇醫生???

又有人話: 你呀媽見到你會心痛. 我話: 唔會, 佢不知幾開心, 因為佢成日話我肥, 叫我減肥.

無咁大隻腳唔好著咁大隻鞋啦!

以前佢唔肯著鞋, 著親發脾氣, 而家岩岩相反. 成日走去攞爸爸對鞋, 然後自己著上腳, 著左又行唔郁, 果個不知所措樣真係笑死你.

另外, 一聽見話"去街", 就走去衣櫃裏面搵襪, 再去門口度著鞋

細路仔玩泥沙3

其實他開頭落沙, 仍然是有點怕, 後來我給他一個鏟教他玩, 他便ok

細路仔玩泥沙2

看他多專注

細路仔玩泥沙1

幾個月來天氣比較冷, 現在熱了, 媽媽又帶我去海灘玩

他的影響力

這次爺爺也願意陪同騫騫一起參加聚會, 多高興! 騫騫能夠使爺爺吃他平常不愛吃的乳酪, 能夠使爺爺主動去洗地 , 能夠使從來不買新車的都買新車, 說不定也能夠推動他成為基督徒, 我們都期待.

我認識水果

媽媽自製的水果咭, 加上實物教材. 地上的水果, 騫騫已經全部認識! 我在房間, 叫他拿"香蕉", 他走出廳拿給我; "粟米", 就拿粟米. "菠蘿", 拿菠蘿, 有個實物菠蘿在電視機頂, 還會指一下上面, 告訴你哪邊有個真的. 其中提子是他最愛最愛至愛, 亦會清楚發音: 提子! 我找機會錄影給大家, 他見到提子的瘋狂, 包笑死你

我的二叔2

玩得幾開心.

我的二叔

二叔從new jersey回來, 一年不見, 騫騫開頭有點怕他, 眼尾一直望著他默不作聲, 不過後來friend 返.

忙碌的三月份

三月份有特別大會, 媽媽做輔先, 分區探訪以及耶穌受難紀念聚會, 差不多沒有一天在家.
我的"媽媽手"大半年前去醫院打過針, 已經無事, 但這個月帶他出傳道, 令"媽媽手"捲土重來!!! 把他從car seat 抱出抱入 不下二十次, 沒注意到原來這麼傷害手腕. 爸爸買了一個新的護腕給我.

不過高興的是, 十四個月的他已經懂得參與傳道工作, 我叫他敲門, 他就敲; 叫他比邀請單人, 他就伸手去比, 誰能拒絕呢??? 沒有人在家, 叫他留下, 他便會從門邊"攝" 入去.