TOYS R US

今天去toys r us行了三小時, 騫騫當然好開心, 四圍走, 狂玩"免費"玩具, 幫我推shopping cart, 第一次入錢坐機動飛機, 他有點兒緊張, 不過無帶相機, 只用手機影了2張相. 買了這套沖澡+海灘都可用的玩具, 以及買了一份小禮物給唉吔表姐仔俙翹

我的一雙爛手

對唔住! 大家是想來看騫騫的可愛照片, 今天我郤公開令人不開胃的恐怖照片.
雙手的皮膚問題日益嚴重, 真係好辛苦, 仍然每天帶著這對手去做各樣事情, 奈何呀媽雙手是那麼的重要.

爺爺嫲嫲說用醋浸手可以殺菌止痕, 我已經知道會非常痛, 不過都試試啦, 浸完變成咁, 真係好痛, 不過十分鐘之後就舒服左好多, 今晚又浸過啦

大談育兒經

這位可愛姑娘, 是小騫的哎呀表姐俙翹(小騫的爸爸的媽媽的唐妹的女兒的女兒), 唯一一個大個佢的表姐姐.
最近發視, 與翹媽非常傾得來, 因為大家正在為教育孩子而努力, 不約而同的在做同樣的事, 給寶寶返GYMBOREE, 讀閃咭, 看YOUR BABY CAN READ, MONTESSORI 以及卡爾威特的教學法.

今天日記, 和翹媽大談育兒經至5:45AM, 寫完這篇日記已經是6AM天光. 整晚沒有睡.

卡爾威特: "父母應當記日記"

我開始讀卡爾威特的書了, 很有心機, 做哂筆記. 佢提醒我一樣野: "其實撫育孩子時, 父母自己應當記日記, 以記載孩子的進步和發育情況, 這也是留給子孫後代的重要遺產, 使他們在培育孩子時, 能夠從中得到教益."


我應該多d寫blog, 記下他的生活點滴, 我成日遲左幾個星期先去提返幾個星期前發生既事, 但係.... 咁多野都要做, 而我得一對爛手, 公公婆婆快d來

我會掉垃圾

上星期baby sitter 蘭姨很驚訝地告訴我, 這個人仔懂得掉垃圾, 在她家吃完的木瓜自己拿去放進垃圾筒.
是的, 大概十五個月他就會這樣做, 他還能夠辨認出甚麼是垃圾, 自己用紙巾抺鼻涕, 然後拿去丟, 如果地上有一粒小東西給他發現(例如一張紙碎), 他會撿起來去丟, 吃完這支0即0即乳酪, 自己行去廚房打開垃圾筒蓋掉進去. 昨天幫我碌洋蔥皮, 又把皮丟掉等等.

呢舊乜東東?

朋友從福建買來的手信, 很不錯, 給騫騫也吃吃, 這是幾個星期之前的事了. 他居然一吃便認出這是甚麼. (我沒有告訴過他)

吃完一口之後, 大大聲說: 魚!

15個月CHECK UP

今日去見Dr. CHAN, 打針+15個月CHECK UP, 醫生都話佢好叻, 已經做到18個月bb應該做到既野

頭圍: 18又三分一寸
身高: 30寸半
體重: 25磅??? 應該無25... (2星期前去健康中心, 明明只有22磅13安士, 我相信今次姑娘磅錯)

疊高積木疊得好好, 測試時疊到7-8粒
懂得放細小的東西入細頸口的樽裏, 又倒返出來 (醫生示範一次, 然後佢跟住做, 倒左好多次)
講到好多字詞 (醫生問我佢有無講到六個字詞, 我話超過六個好多, 不過無數幾多)
用筆塗鴉
用湯匙餵自己 (上星期三開始做到, 即十五個月零一星期, 而家都食到成碗粥, 當然食到周地都係)
識得聽從吩咐, 收好玩具
扶住上樓梯(兩三級應該唔係問題)
拉拉鍊 (不過只拉到少少)
開始講到2個連埋的意思, 醫生話應該16-18個月開始 (佢講過: 姐姐, hi / 提子, 無)
自己除衫
跑 (不過未係好快)
踢波
倒後行

陳醫生話由於佢專注力好, 所以叻d.

提子

我講過會錄影佢見到提子既瘋狂, 唔比佢就好緊張. 今早一訓醒覺,又係度"提子.提子", 然後走去個零食櫃度想開門拎提子, 但由於整左個機關唔比佢開門, 好緊張係度叫提子提子提子......, 當佢想要一樣野時, 會不停地講幾十次, 直到你比佢為止.

我個相機的感光有問題, 而家影相d 色好核突, video 仲黑蚊蚊添...
婆婆你過來時, 唔該記得拎個sony 相機比我

"Top of Waikiki"

爸爸保持神秘地不說要去哪裏吃飯, 原來是"Top of Waikiki" 旋轉餐廳, 360度地環觀WAIKIKI 夜景, 超級好吃的大蝦, 爸爸就想到, 如果婆婆來夏威夷, 也要帶她去一去.

謝謝好爸爸 + 好老公

HAPPY 2nd Anniversary!

結婚兩週年紀念, 爸爸找了Autie Brooke 照顧小騫, 讓爸爸媽媽可以吃餐安樂茶飯. Autie Brooke愛鍚小騫, 也是個非常愛小朋友的好呀姨, 所以我們十分放心, 小騫亦很會做人, 即使眼見著爸爸媽媽離他而去, 都很乖沒有哭鬧過.